Mission IT Solution

गूगलको युग सकिँदै? एआईले बदल्दैछ अनलाइन खोजीको स्वरूप

यदि तपाईं हरेक सानो–ठूलो जानकारीका लागि गूगलमा निर्भर हुनुहुन्छ भने, अब सोच बदल्ने समय आएको छ। किनभने गूगलजस्ता सर्च इन्जिनहरूको पुरानो दबदबा क्रमशः कमजोर हुँदै गएको संकेत देखिन थालेको छ। सन् २०२५ मा पारम्परिक खोजी शैलीमा ३३ प्रतिशत गिरावट आएको छ, र त्यसको ठाउँ अब एआईले लिन थालेको छ।आजको इन्टरनेट अनुभव पहिलेभन्दा निकै फरक भइसकेको छ। सर्च गर्दा लिङ्कहरूको लामो सूची हेर्नुपर्ने पुरानो शैलीलाई एआईले बिस्तारै विस्थापित गरिरहेको छ। अब च्याटजीपीटी, जेमिनी र क्लाउडजस्ता एआई च्याटबोटहरूले प्रयोगकर्ताका प्रश्नहरूको सीधा उत्तर दिन थालेका छन्। पहिले सर्च बारमा टाइप गरिने प्रश्नहरू अब एआई संवादमार्फत समाधान हुन थालेका छन्।एआई सर्च प्रयोग गर्न सजिलो भए पनि यसले जानकारी उपभोग गर्ने तरिका नै बदलिदिएको छ। पहिले गूगल सर्चमा कीवर्ड, लोकप्रियता र स्रोतका आधारमा वेबसाइटहरूको सूची देखिन्थ्यो। तर अहिले एआईले आफैं जानकारी बुझेर छोटो र आकर्षक उत्तर तयार गर्छ, जसले प्रयोगकर्तालाई आफूअनुकूल जस्तै अनुभव दिन्छ।तर समस्या यहीँ छ। एआईले दिने यी समरीहरू प्रायः ठूला र लोकप्रिय स्रोतहरूमा मात्रै आधारित हुने गर्छन्। यसले साना वेबसाइट, फरक दृष्टिकोण वा कम चर्चित जानकारीलाई पछाडि पारिदिन्छ। एआईलाई मुख्यधारका स्रोतहरूबाट प्रशिक्षित गरिएकाले उसले त्यही जानकारीलाई बढी प्राथमिकता दिन्छ, जुन पहिले नै धेरै चर्चित छ।अधूरो वा पुरानो जानकारीको जोखिमएआई सर्चले जानकारीको पहुँच त बढाएको छ, तर त्यससँगै नयाँ खालका समस्या पनि ल्याएको छ। प्रयोग गरिने भाषाका आधारमा सर्च रिजल्ट्स नै फरक हुन सक्छन्। अंग्रेजीजस्ता प्रचलित भाषामा राम्रो जानकारी पाइए पनि अन्य भाषामा अधूरो, पुरानो वा सीमित विवरण मात्र भेटिन सक्छ।त्यसमाथि एआईले कहिल...